أغآني جامدة آخر حاجة =)

تامر عاشور - افترقنا
..................................................................
اتطحنا....وابتديت....ألوم في روحي...وأقول ياريت....كل يوم بيعدي
أصعب....والمواد أصعب وأصعب....كل يوم على نفسي بأصعب....إن أنا..نمت
واستمخيت
يا ريتني قبل ما سبتها....أنا كنت قعدت حفظتها....أو حتى كنت برشمتهاااااا....أديني جيت أحل نسيت
أديني جربت إني أغش....لقيت المراقب وش في وش ....و لا حتى عرفت أحكي و أدش...وبالأمانة..أنا انتهيت
=========

محمود العسيلى - تررم
....................................
كان مره فى ماده اسمها فيزياء غباوتها مش طبيعية
كل ما أجى أذاكرها أحس انها هندية
تعبانة و قرفانا
ومسائلها مبهدلانا
و تبصلنا و تقول ماتحلوني....مالكوا في ايه؟؟؟
مش فاهمين منها حاجة ولا ايه اخرتها معانا
نفسنا نرتاح من اللى احنا فيه.. فيه فيه
الرخامه والتناحه والغباوه والقباحه
كل الناس اللى يذكروها يبقوا خلاص هيئطعوها
او يروحوا يحرقوها ويخلصوا من أبوها
لو كان وزيرنا شالها من المنهج
كان قصر وريحنا
بدل مانقعد نذاكر و نفضل زي ماحنا
كارهنها و مش طايقنها ومخنوقين منها
وبنفضل نقول بتعملى كده ليه .. ليه ليه
هتفضل كده معانا قارفانا و خانئانا بس نبقى عارفين اخرتها ايه..ايه..ايه
الرخامه والتناحه والغباوه والقباحه
كل الناس اللى يذاكروها يبقو خلاص هيئطعوها
أو يروحوا يحرقوها و يخلصوا من أبوها
=========

أحلى حاجه فيكي - محمد حماقي
..........................................
زيدتي خمسه كيلو كدا ليه؟؟
بتكلي طبق تاني يبقو طبقين
كيك ايه اللي هاتحلي بيييييه
وقوليلي زيدتي عشرة كيلو كدا ليه؟
ولا عايزه لحمه وباتون ساليه؟
محشي ايه اللي تتعشي بيييييه
ليالي يالله
انشالله تاكلي السفره انشالله
دا كتير عليا الأكل دا والله
هاتاكلي أكتر من كدا ايييييه
=========

عمرو دياب - تنسى واحدة
...........................................
ليه ياقلبى كل تيرم تشيلى مادة
ولسة مش عارف تحل فى اى مادة
كل اول تيرم تقول انك مذاكرهااااااااا
وفى نهاية التيرم بالاقيك شايلهاااااااا
كل ده علشان بتهرب من الحقيقة
كل ده علشان يا قلبى شيلت مادة
اى مادة بتذاكرها بتبقى حاسة
انت مش جايلها ده انت جاى تشيلها
انت عارف حتى تنجح فى واحدة غيرها
ده انت وانت ويا غيرها بتفتكرها
كل ده علشان بتهرب من الحقيقة
كل ده علشان ياقلبى شيلت مادة
=========

كان طيب - عمرودياب
.....................................
كان طيب كان حنين أتاريه دحاح كبير.. بيدح ويغش يا عيني وده خدعنا سنين كتير
خلااااص بقى بيقفّل يرحم زمن السقووووووووط
ذاكر كتييييير وقفل...درجاته حلوة موووت
جاب جيد و كمان مقفل ..اتاريييه دحاااح كبير
مش زى ما كان مبين ...ده خدعنا سنيين كتير
راجعنا مادة مااادة ..و رسبنا فى كل ماادة و هو جاب تقدييييييير
لو يفتكر زمااان ..اه زمان كان هو ايييه
كان فاشل بين ايدينا و متظبط يا بيه
مادة و عدت خلاص ...اه خلاص هنعمل ايه؟؟؟ مش كل الناس دحيحة..فى الجامعة فيه وفيه
============

اتخنقت - محمد محيى
...........................
اتزنقت.. وطلعت كنت بضيع وقت.. كان كل همي أقول خلصت.. وانا ما صدقت
وامتحنت..امتحان وهمي بجد.. معرفتش أغش من حد..زي ما خططت
انا مانجحتش في حاجة مـ اللي امتحنت فيه.. سوء تصحيح دا ولا غباوة ولا ايه
واخدت صفر وكأني ولا امتحنت..فاتخنقت
درجات الناس كتيرة والوضع مااختلفش
فيه منهم شاف نتيجته وفيه منهم ما شافش
اتهزقت.. من أمي طبعا واتشتمت..واتبهدلت لحد ما قلت..خلاص حرمت
اتعلقت .. من أبويا لحد ما فرهدت.. خلاني أقول انا توبت.. اتضربت واتظبطت
====

ايهاب توفيق – تترجى فيا
............................
تتصل بيا..ترن عليا
مش ممكن يووووم هارغى معاااك
وازااااااااااااااااااااااى
ازاى قلبك يسيبك ..تفتح على ميسد حبيبك..و تخلص ليا رصيييدى ازااااى
ده تمن الكارت انا شلته
تمن العدة استحملته
كان صعب و كله اقسااااااااط
و جاى دلـوقتـى! تقولى خلاص
ما خلاص
رصيدى خلص
خلاااااااااااااااااص
رصيدى خلص
خلاااااص
خلاااااااااااااااااااااص
فتحت؟ فتحت ليه؟ كنسلت؟ كنسلت ليه؟ جاى؟ جاى بعد اييييه ..ترد عليا
خط؟ خط مين؟ كارت ؟؟؟ هو فييييين؟شحن؟؟ شحن ايييييييييييييه...متقولش نوكيااااااااااااااااااااا
==========

خد بالك عليا - اليسا
..........................
(واحدة نازلة السوق و سايبة ابنها فى البيت مع اخته الصغيرة و بتوصيه عليها)
.................................................. ......................
خد بالك من اختك...دى هيا ساعة اللى نازلة فيها
و ابقى ادخل المطبخ واسلق اللحمة او ابقى اشوييييها
يا ريتك .. بس تسمعنى و متستهبلش
دى امك.. ست غلبااانة مبتتكلمش
دى امك .. قد ما تدلع و تستحمل
اول ما بتفكر تلطش..مبتستأذنش
كان فى اطباق فى الحوض يا ريييت... لو غسلتها
و هدوم كتير فى الاوضة ليييييييييك .. تلمهاااااااااااا
و لو عوزت حاجة من جارتنا ..اتصل بييييييها
يا ريتك .. بس تسمعنى و متستهبلش
دى امك.. ست غلبااانة مبتتكلمش
دى امك .. قد ما تدلع و تستحمل
اول ما بتفكر تحمي ...هترميك ف الطشت
..................................................

[ندعوك للتسجيل في المنتدى أو التعريف بنفسك لمعاينة هذه الصورة]

هايله يا دندونا والله

تسلم ايدك

هههههههههههههههههههههههههه
جااامدة اووووي يا دندونا
يسلموووا يا قمراية

ثاانكس ع المرور الأجمد

تسلمولي =)

» جامدة اخر حاجة
» نكت جامدة مووووووت
» نكت على المشرفين(جامدة جدا)
» نكت صعايدة جامدة اوووووي
» اكتب اسمك وشوف اللى هيحصل(جامدة جدا)